Teagmháil

Is é Gordon MRM a reáchtálann preasoifig GBCN.

Más iriseoir thú agus má tá ceist agat faoi GBCN (lena n-áirítear an Ciste Infheistíochta Straitéisí d’Éirinn, an Ghníomhaireacht Airgeadais d’Fhorbairt Náisiúnta, an Ghníomhaireacht um Éilimh ar an Stát agus NewERA), seol ríomhphost chuig foireann na preasoifige ar ntma@gordonmrm.ie.

Má bhíonn tú míshásta faoin gcaoi ar chaith GBCN leat, is féidir leat gearán a dhéanamh le GBCN ach an fhoirm ghearán a líonadh isteach agus a chur ar ais chugainn sa phost nó tríd an ríomhphost:

Gníomhaireacht Bainistíochta an Chisteáin Náisiúnta,
An tAonad um Chomhlíonadh,
Duga an Státchiste,
Cé an Phoirt Thuaidh,
Baile Átha Cliath 1,
D01 A9T8

Complaints@ntma.ie

Féachfaimid le do ghearán a réiteach go cóir agus go tapa.

Cén chaoi a mbeidh fáil agam ar airgead ó chuntas bainc díomhaoin?

Is é GBCN a riarann Ciste na gCuntas Díomhaoin. Aistríonn institiúidí airgeadais cuntais bhainc agus polasaithe árachais díomhaoine isteach sa chiste sin.
Ach ní fhaigheann GBCN eolas ar chustaiméirí aonair, ar a sonraí cuntais ná ar na méideanna aonair atá á n-aistriú. Ceanglaítear ar institiúidí airgeadais taifid a choinneáil fós ar chuntais custaiméirí aonair agus tá siad freagrach as aisíocaíochtaí a éileamh ó GBCN thar ceann an tsealbhóra cuntais.
Ina Treoir i leith Cuntais Dhíomhaoine, míníonn Cónaidhm Bhaincéireachta agus Íocaíochtaí na hÉireann cén chaoi le cistí i gcuntas díomhaoin a éileamh agus soláthraítear foirm éilimh um chuntas díomhaoin.

Chun aiséileamh a dhéanamh, líon isteach an fhoirm aiséilimh chaighdeánach agus seol ar ais í chuig an mbanc nó institiúid árachais ina raibh an cuntas. Ina dhiaidh sin beidh próisis aonair ag gach institiúid chun cuntais a fhíorú agus a athghníomhachtú agus chun airgead díomhaoin a aisíoc.

Ba mhaith liom cur isteach ar phost le GBCN. Cá seolfaidh mé mo CV?

Tabhair do d’aire, le do thoil, gur i mBéarla a fhógraíonn GBCN deiseanna gairme faoi láthair. Ach más mian leat cur isteach ar ról i nGaeilge, seol do cheist, le do thoil, chuig an seoladh ríomhphoist seo a leanas: eolas@ntma.ie agus tabharfaimid freagra ort chomh luath agus is féidir.

Má tá ceist agat faoi tháirgí Coigiltis Stáit, is féidir leat úsáid a bhaint as ceann ar bith de na sonraí teagmhála seo:

• Guthán | 1850 30 50 60
• Ríomhphost | Service@StateSavings.ie
• Téacs | 0852 30 50 60
• Tríd an bpost | Coigilteas Stáit, Ard-Oifig an Phoist, Baile Átha Cliath 1
• Gréasán | www.StateSavings.ie
• Cuairt | Oifig an Phoist

An tAcht um Míchumas 2005

De réir fhorálacha Alt 26(2) den Acht um Míchumas 2005 (“Acht 2005”), tá Oifigeach Rochtana ainmnithe ag Gníomhaireacht Bainistíochta an Chisteáin Náisiúnta chun cúnamh agus treoir a sholáthar do dhaoine faoi mhíchumas maidir le rochtain a fháil ar a sheirbhísí nó chun soláthar nó comhordú a dhéanamh air sin.

Más mian leat cúnamh a fháil ina leith seo déan teagmháil linn ag access@ntma.ie nó ar an nguthán ag 01 238 4000.

An tAcht um Theanga Chomharthaíochta na hÉireann 2017

De réir fhorálacha Alt 6 d’Acht Teanga Chomharthaíochta na hÉireann 2017 (“Acht 2017”), déanfaidh Gníomhaireacht Bainistíochta an Chisteáin Náisiúnta gach a bhfuil réasúnach lena chinntiú go soláthraítear léirmhíniú i dTeanga Chomharthaíochta na hÉireann do dhuine atá inniúil sa teanga sin agus nach féidir leis nó léi Béarla nó Gaeilge a chloisteáil nó a thuiscint nuair a bhíonn an duine sin ag iarraidh leas a bhaint as teidlíochtaí nó seirbhísí reachtúla arna soláthar ag an gcomhlacht poiblí sin nó faoi reacht gan aon chostas ar an duine lena mbaineann.

Más mian leat leas a bhaint as na seirbhísí seo, déan teagmháil linn ag access@ntma.ie agus déanfaidh ball foirne teagmháil tosaigh leat maidir le d’iarratas.

Tabhair faoi deara le do thoil go mbeidh fógra seachtaine ar a laghad ag teastáil ó Ghníomhaireacht Bainistíochta an Chisteáin Náisiúnta chun seirbhísí a shocrú trí aistritheoir creidiúnaithe.