8. Maoiniú Chlár AE / CAI
Rinne clár AE / CAI d’Éirinn soláthar do thacaíocht sheachtrach €67.5 billiún ón gCiste Airgeadaíochta Idirnáisiúnta (“CAI”), ón tSaoráid Eorpach um Chobhsaíocht Airgeadais (“EFSM”), ón Sásra Eorpach um Chobhsaíocht Airgeadais (“EFSF”) agus d’iasachtaí déthaobhacha eile. Ba i mí an Mhárta 2014 a rinneadh an eisíocaíocht deiridh €0.80 billiún ón EFSM faoin gclár.
Tar éis comhaontú idir ballstáit AE agus iasachtóirí déthaobhacha i mí na Nollag 2014, rinne an Ghníomhaireacht aisíocaíochtaí luatha idir Nollaig 2014 agus Márta 2015, dar suim rud beag níos mó ná €18 billiún san iomlán (lena n-áirítear níos mó ná €9 billiún d’íocaíochtaí in 2015). Rinneadh na haisíocaíochtaí sin le comhaontú CAI agus níor tabhaíodh aon phionós ná muirear. Dá thoradh seo, comhlíonadh gach dualgas sceidealaithe aisíocaíocht bunairgid CAI a bhí le bheith dlite idir Iúil 2015 agus Eanáir 2021.
Is iad seo a leanas na dliteanais gan íoc faoi Chlár AE / CAI ag deireadh 2016, lena n-áirítear tionchar na n-idirbheart fálaithe airgeadra:
| Iasachtóir | 2016 €m |
Ualaithe Meán Iarmharach Aibíocht Blianta |
2015 €m |
Ualaithe Meán Iarmharach Aibíocht Blianta |
|---|---|---|---|---|
| An Ciste Airgeadaíochta Idirnáisiúnta | 4,354 | 5.0 bliain | 4,348 | 6.0 bliain |
| An tSaoráid Eorpach um Chobhsaíocht Airgeadais | 18,411 | 16.1 bliain | 17,881 | 17.1 bliain |
| An Sásra Eorpach um Chobhsaíocht Airgeadais (EFSM) | 22,500 | 10.1 bliain | 22,500 | 11.1 bliain |
| Státchiste na Ríochta Aontaithe | 4,033 | 3.2 bliain | 4,018 | 4.2 bliain |
| Ríocht na Danmhairge | 400 | 3.6 bliain | 400 | 4.6 bliain |
| Ríocht na Sualainne | 600 | 3.6 bliain | 600 | 4.6 bliain |
| Iomlán | 50,298 | 49,747 |
Léirítear thuas na síntí aibíochta ar iasachtaí ó EFSF a comhaontaíodh i mí an Mheithimh 2013. Cé gur comhaontaíodh síntí aibíochta ar iasachtaí ó EFSM in 2013 freisin, socrófar na dátaí athbhreithnithe aibíochta nuair a bheidh siad ag druidim ar a mbundátaí aibíochta. Le linn 2015, bhain iasacht EFSM amháin an dáta aibíochta amach agus rinneadh an dáta aibíochta sin a shíneadh. Dá réir sin, ní léiríonn aibíocht na n-iasachtaí EFSM atá nochta ach amháin na síntí aibíochta a comhaontaíodh go dtí seo. Ní mheastar go mbeidh ar Éire ceann ar bith de na hiasachtaí a fuair sí ó EFSM a athmhaoiniú roimh an mbliain 2027.
Léiríonn an t-athrú ar an dliteanas gan íoc leis an EFSF idir deireadh 2015 agus deireadh 2016 an íocaíocht den chorrlach réamh-íoctha de €530 milliún a baineadh ón tarraingt anuas bhunaidh in 2011. I mí Iúil 2015 fuarthas íocaíocht iomlán de €555 milliún ón EFSF arb ionann agus an corrlach réamh-íoctha de €530 milliún, €70 milliún de thoradh carntha ar infheistíocht lúide €45 milliún dlite do na Ballstáit is Ráthóirí. Tá an toradh ar infheistíocht de €70 milliún léirithe san Ús Faighte agus Ioncam Eile agus an €45 milliún mar chuid de Ús Íoctha sa Ráiteas maidir le Fónamh d’Fhiachas.