Cuireadh Ciste Infheistíochta Straitéisí d’Éirinn (“an Ciste”) ar bun an 22 Nollaig 2014 le tosach feidhme Chuid 6 den Acht um Ghníomhaireacht Bainistíochta an Chisteáin Náisiúnta 2014 (“Acht GBCN 2014”). Is í Gníomhaireacht Bainistíochta an Chisteáin Náisiúnta (an “Ghníomhaireacht” nó an “Bainisteoir”) rialtóir agus bainisteoir an Chiste. Cuireann Alt 39(1) d’Acht GBCN 2014 d’iallach ar an nGníomhaireacht sócmhainní an Chiste (seachas infheistíochtaí faoi threoir) a choinneáil nó a infheistiú ar bhonn tráchtála ar bhealach ar aidhm dó tacú le gníomhaíocht eacnamaíochta agus fostaíochta sa Stát.

Ina theannta sin, féadfaidh an tAire treoir a thabhairt maidir le hinfheistíochtaí áirithe de réir ailt 42, 43 agus 47(4) d’Acht GBCN 2014. Sna ráitis airgeadais seo, is mar “Infheistíochtaí faoi Threoir” a thagraítear d'infheistíochtaí a choinnítear de thoradh treoracha ón Aire. Ní mór coinneáil agus bainistiú na nInfheistíochtaí Ordaithe, cleachtadh cearta vótála agus cearta eile a bhaineann leis na hInfheistíochtaí Ordaithe ag an nGníomhaireacht agus diúscairt na nInfheistíochtaí Ordaithe ag an nGníomhaireacht a dhéanamh de réir na dtreoracha arna leagan amach ag an Aire Airgeadais. Déanann an Ghníomhaireacht aon ús nó ioncam eile arna fháil i dtaca le taiscí agus/nó urrúis arna gcoinneáil sa Phunann Ordaithe a choinneáil nó a infheistiú i gcomhréir leis an Ordachán ón Aire.

Dílsítear úinéireacht an Chiste don Aire Airgeadais agus ní thrádáiltear é i margadh poiblí agus ní chomhdaítear a ráitis airgeadais le coimisiún urrús ná le heagras rialála ar bith eile d’fhonn aon chineál ionstraime a eisiúint i margadh poiblí.

Tá na ráitis airgeadais curtha i láthair in euro atá mar airgeadra feidhmiúil agus tuairiscithe an Chiste.

< NÓTAÍ

NÓTA 2 >