Sealbhaíonn an Ghníomhaireacht Infheistíochtaí faoi Threoir faoi réir treoracha arna dtabhairt ag an Aire Airgeadais de bhun alt 43 d’Acht GBCN 2014. Ní mór sealbhú agus bainistiú na nInfheistíochtaí faoi Threoir, feidhmiú na gceart vótála agus na gceart eile a ghabhann leis na hInfheistíochtaí faoi Threoir ag an nGníomhaireacht agus diúscairt na nInfheistíochtaí faoi Threoir ag an nGníomhaireacht a dhéanamh de réir aon treoracha arna dtabhairt ag an Aire Airgeadais.

8.1 Luacháil na nInfheistíochtaí faoi Threoir

• ¹Tá luacháil gnáthscaireanna Bhanc na hÉireann (BÉ) bunaithe ar phraghsanna tairgthe luaite. Rinne Banc na hÉireann athstruchtúrú ar a gcuid scaireanna le linn 2017 chun líon na scaireanna atá eisithe aige a chomhdhlúthú; tá scairsheilbh an Chiste de 13.95% fós amhail is a bhí sí an 31 Nollaig 2016.


• ²I bhfianaise mhéid na ngnáthscaireanna a bhí ag an gCiste in AIB amhail an 31 Nollaig 2016 (99.9%), d'fhostaigh an Ghníomhaireacht EY chun luach cóir neamhspleách na n-infheistíochtaí a chur ar fáil. Ós rud é go ndearna AIB Tairiscint Phoiblí Thosaigh (“TPT”) i Meitheamh 2017, tá scairsheilbh an Chiste amhail an 31 Nollaig 2017 bunaithe ar phraghsanna tairgthe luaite. Ag deireadh na bliana, bhí beagán os cionn 71% i scairsheilbh an Chiste in AIB toisc go ndearna an Ciste beagnach 29% dá scairsheilbh a dhiúscairt mar chuid den TPT.

8.2 Gluaiseacht luacháil na n-infheistíochtaí faoi threoir

Mar chuid de TPT an AIB i Meitheamh 2017, rinne an Ciste 780,384,606 scair a dhiúscairt agus fuair sé €3.43bn ina leith. Rinneadh na fáltais sin a aistriú ar ais go dtí an Státchiste ina dhiaidh sin (Féach nóta 11.2).

< NÓTA 7

NÓTA 9 >